Хамтран зохион байгуулагч
Д.Нацагдоржийн нэрэмжит Улаанбаатар хотын Нийтийн Төв Номын Сан
Их зохиолч Дашдоржийн Нацагдоржийн мэндэлсний 120 жилийн ой 2026 оны 11-р сарын 17-нд тохиож байна. Энэ өдөрт зориулан Д.Нацагдоржийн нэрэмжит Улаанбаатар хотын нийтийн төв номын сантай хамтран зохион байгуулж буй Бичихүйн уралдаанаар бичээч та бүхэнд “Таны нутаг юу вэ?” гэсэн асуулт тавья.
Одоогоос 90 гаруй жилийн өмнө Д.Нацагдоржийн бичсэн “Миний нутаг” шүлэг Монголын утга зохиолын сонгодог бүтээлүүдийн нэг гэдэг нь маргаангүй. Энэ шүлэгт Монгол орны гоо үзэсгэлэнг дээд зэргийн уран яруугаар дүрсэлсэн бөгөөд тэдгээр мөрүүд өдгөө ч монгол хүн бүрийн оюун санаанд оршсоор байна.
Тэгвэл бичээч таны хувьд нутаг гэж юу вэ?
Зориод очих, зовлонгоо тоочих, зогсолтгүй эргэх энэ ертөнцийн тулгуур цэг болсон тэр зүйл тань юу вэ? Хэн нэгэн хүн үү? Аль нэгэн газар уу? Ямар нэгэн бодол уу? Та өөрийн хувьд “миний нутаг” хэмээн ам бардам тодорхойлж, уран үгээр дүрслэн илэрхийлж чадах тэрхүү зүйлийнхээ тухай 1,200 үгэнд багтаасан бичвэр (эсээ, богино өгүүллэг, зохион бичлэг) бичиж бидэнд илгээгээрэй.
Шилдэг бүтээлийн эздэд мөнгөн шагнал, бичихүйн сургалтын эрх олгохоос гадна бүтээлийг нь олон нийтэд нийтлэн түгээх болно.
Уралдааны хураамж: 10,000₮ (Энэхүү уралдаан нь ашгийн төлөө бус бөгөөд таны хураамжийг уралдааны зар сурталчилгаа, зохион байгуулалтад бүрэн зарцуулах болно)
Шагналын сан 1,000,000₮
Тоосоо өргөсөн
Бичихүйн уралдаанд бичвэрээ илгээсэн хүнд олгоно.
Шилдэг бичээч
Бичихүйн уралдаанд шилдэгт шалгарсан хүнд олгоно.
Google эсвэл и-мэйлээр нэвтэрнэ үү.
Д.Нацагдорж
Бүтэн шүлгийг уншаад, өөрийн нутгаа бодоорой.
Бичиж эхлэхэд тань тусалъя
Доорх товч дээр дарж “Миний нутаг” шүлгээс санамсаргүй нэг мөр сонгоорой. Тэр мөр таны бичихүйн онгодыг дуудаж мэдэх юм.
Хэнтий Хангай Соёны өндөр сайхан нуруунуудХойд зүгийн чимэг болсон ой хөвч уулнуудМэнэн Шарга Номины өөргөн их говиудӨмнө зүгийн манлай болсон элсэн манхан далайнууд
Энэ бол миний төрсөн нутагМонголын сайхан орон
Хэрлэн, Онон, Туулын тунгалаг ариун мөрнүүдХотол олны эм болсон горхи булаг рашаануудХөвсгөл, Увс, Буйрын гүн цэнхэр нууруудХүн малын ундаа болсон тойром бүрд уснууд
Энэ бол миний төрсөн нутагМонголын сайхан орон
Орхон, Сэлэнгэ, Хөхийн онц сайн голуудУурхай баялгийн охь болсон олон уул даваануудХуучин хөшөө дурсгал, хот балгадын сууринуудХол газраа одсон харгуй дардан замууд
Энэ бол миний төрсөн нутагМонголын сайхан орон
Холхи газраас гялалзсан цаст өндөр хайрхнуудХөх тэнгэр цэлмэсэн хөдөө хээр цайдмуудХолын бараа харагдсан ноён шовх сарьдгуудХүний сэтгэл тэнийсэн уудам амьсгалт талууд
Энэ бол миний төрсөн нутагМонголын сайхан орон
Хангай говийн хооронд Халхын уудам нутагХар бага наснаас хөдлөн гулд давхисан газарГөрөөс араатан авласан урт урт шилнүүдХүлэг морин уралдсан хөндий сайхан хоолойнууд
Энэ бол миний төрсөн нутагМонголын сайхан орон
Салхины үзүүрт найгасан соргог нарийн ногоотойСаруул талд яралзсан сонин янзын зэрэглээтэйСайн эрс цугларсан байц бэрх газартайСүлд тахилга улирсан сүмбэр их овоотой
Энэ бол миний төрсөн нутагМонголын сайхан орон
Нарийн өвс ургасан малын сайхан бэлчээртэйНааш цааш сүлжсэн тэнэгэр сайхан нуруутайДөвөн цагийн улиралд дураараа нүүх нутагтайТаван зүйлийн тарианы хөрс шороо газартай
Энэ бол миний төрсөн нутагМонголын сайхан орон
Өлгий сайхан ууланд өвгөдийг тавьсан газарҮр ач хүүхдийн үржиж өссөн оронТаван хошуу малууд дүүрэн бэлчсэн нутагМонгол хүн бидний сэтгэлийг сорсон орон
Энэ бол миний төрсөн нутагМонголын сайхан орон
Өвлийн тэсгэм цагт цасан мөсөн бүрхээдБолор шилийн өнгө гялтганаж гялалзсан оронЗуны найртай улиралд цэцэг навч дэлгэрээдЖигүүртэн шувуу холоос ирж гангар гунгар донгодсон орон
Энэ бол миний төрсөн нутагМонголын сайхан орон
Алтай, Хянганы завсарт атар баялаг оронАав ижийн минь оршсон ашдын заясан нутагАлтан нарны туяанд энхжин тогтсон оронМөнгөн сарны гэрэлд мөнхжин гялалзсан газар
Энэ бол миний төрсөн нутагМонголын сайхан орон
Хүннү Сүннүгийн үеэс хогшид өвгөдийн минь нутагХүн ард бидний хайрыг булаасан оронОн онд идээшиж олон жилд дассан нутагОдоогийн шинэ Монголын улаан туг бүрхсэн орон
Энэ бол миний төрсөн нутагМонголын сайхан орон
Өссөн төрсөн бидний үндэсний хайртай нутагӨнгөлзөгч дайсан ирвэл үтэр өшиглөн хөөнөХувьтай энэ орондоо хувьсгалт улсаа мандуулжХойчийн шинэ ертөнц дээр хөдэт гавьяаг байгуулая
Энэ бол миний төрсөн нутагМонголын сайхан орон
Монгол гэдэг нэг нэр ертөнцийн чихнээ дурсгалтайМонголын төлөө гэдэг санаа бидний зүрхэд холбоотойӨсөхөөс сурсан үндэсний хэл, мартаж болшгүй соёлҮхтэл орших төтөлх нутаг салж болшгүй орон
Энэ бол миний төрсөн нутагМонголын сайхан орон
Шүлгийг сонсохМиний нутагМонголын шинэ үеийн утга зохиолыг үндэслэгч, соён гэгээрүүлэгч, их зохиолч Дашдоржийн Нацагдорж мэндэлснээс хойш 120 жил өнгөрлөө. Тэрээр 1906 оны 11-р сарын 17-нд Түшээт хан аймгийн Дархан чин вангийн хошуу, өнөөгийн Төв аймгийн Баяндэлгэр сумын нутаг Гүн галуутай гэдэг газар мэндэлсэн юм. Ердөө 30 насалсан ч түүний “Миний нутаг” шүлэг, “Учиртай гурван толгой” дуурь тэргүүтэй бүтээлүүд өнөөдрийг хүртэл Монголын ард түмэнд оюун санааны цэнгэлийг эдлүүлсээр байна. Түүний амьдралын тухай илүү ихийг дараах бичлэгүүдээс олж мэдээрэй.
